Wi-Fi 路由器安裝同使用
買路由器之前要睇返自己用緊咩寬頻計劃，同埋屋企有幾多部裝置要上網。
固定裝置用有線：好似電腦、電視呢類唔使周圍走嘅裝置，最好直接用LAN線接路由器，減輕Wi-Fi負擔之餘，速度又穩定啲。
擺位要好，唔使就數據機：路由器唔使一定要擺喺數據機隔離，放喺高身櫃頂、牆上面，或者屋企中間位置，效果仲好。
設定自動頻道避干擾：屋企Wi-Fi成日收得唔好，可能係同鄰居撞咗頻道。將頻道設定做「自動」，等路由器自己揀個最暢通嘅頻道就好穩陣。
輸出功率唔使開到最大：將Wi-Fi輸出較到中或低，可以慳電啲，又減少同鄰居互相干擾，仲可以減低俾人黑客入侵嘅風險。
加密要用WPA2/WPA3：設定Wi-Fi密碼嗰陣，要揀用WPA2或者WPA3呢類先進加密方式，同埋設定一個夠複雜嘅密碼。
記得更新路由器軟件：定時幫路由器更新韌體，最好開啟自動更新功能，保持系統安全同穩定。
大單位考慮Mesh系統：如果你住村屋、複式或者大單位，網狀Wi-Fi系統（Mesh Wi-Fi）會係好選擇，安裝容易，仲可以全屋無縫漫遊，上網體驗即刻順暢晒。
常見問題
WiFi 7 和 WiFi 6 的主要區別
WiFi 6 用 2.4GHz 及 5GHz 頻段
WiFi 網絡由 WiFi 5 開始應用 5GHz 頻段，到了 WiFi 6 就能同時應用 2.4GHz 與 5GHz 頻段連接，能覆蓋更廣闊的網絡範圍。
WiFi 6E 對應全新 6GHz 頻段
WiFi 6E 就應用全新的 6GHz 頻段 (同時對應 2.4GHz 與 5GHz)，由於現時大部份家用裝置都是應用 2.4GHz 與 5GHz 頻段 (其實就連微波爐都會佔用 2.4GHz 來煮食)，現在只對應 WiFi 6E 及 WiFi 7 的 6GHz 頻段，就能像專線接近零干擾般上網。不過，應用 6GHz 網絡雖然速度較高，但網絡的 覆蓋範圍，就沒有 5GHz 及 2.4GHz 般廣闊
WiFi 7 擁多項新規格及技術
如果說 WiFi 6E 是 WiFi 6 的延續，那麼 WiFi 7 就是真正新一代 WiFi 的標準。除了對應全新 6GHz 頻段外，還對應全新的 320Mhz 帶寬，比 WiFi 6E 及 WiFi 6 應用的 160Mhz 有更闊的帶寬，就像高速公路有更多行車線，能讓更多裝置同時極速上網，還對應全新 4096 QAM 及 16 X 16 MU-MIMO 技術，比 WiFi 6 及 WiFi 6E 的 1024 QAM 及 8X8 MU-MIMO 技術翻倍地增加網絡容量，亦使更多裝置可同時流暢地上網。
常見問題
Q1：我應該點樣根據屋企寬頻速度去揀路由器？
100M-300M : 一部支援 Wi-Fi 6 嘅中階路由器已經好夠用，性價比最高，唔使浪費錢買太勁。
500M 或1000M寬頻： 建議選擇 中高階 Wi-Fi 6 或 入門 Wi-Fi 6E 型號（例如 TP-Link Deco XE75 Pro），確保路由器嘅速度極限高過你嘅寬頻，先可以「去盡」唔浪費。
200M-2500M : 必須選擇支援 Wi-Fi 7 及帶有 2.5G 或以上WAN接口 嘅旗艦型號（例如 TP-Link Deco BE65），否則你部機根本食唔晒咁快嘅寬頻速度。
Q2：住村屋/複式，收得好差，裝Mesh系統係咪一定要轉寬頻公司？
A： 完全唔需要！ 無論你用緊邊一間寬頻公司（例如網上行、HGC、香港寬頻等），Mesh系統都只係一個幫你將屋企原有寬頻訊號「放大」同「擴散」 嘅設備。你只需要將Mesh主機用網絡線連接到你原有嘅數據機，就可以開始設置，同寬頻公司無關。
Q3：安裝Mesh系統，係咪每層都要拉網絡線？
A： 唔使！而家大部分Mesh系統（例如 Linksys Atlas 或 Netgear Orbi）都可以透過無線回程 連接，即係子機同主機之間靠Wi-Fi溝通，只要插電就用到，非常方便。當然，如果預先有拉好網絡線（行有線回程），速度同穩定性會再上一層樓，但並非必須。
Q4：升級Wi-Fi 6/7路由器，係咪需要寬頻師傅上門安裝？
A： 通常都唔使。安裝新路由器好簡單，步驟通常係：
-
將舊路由器換落嚟。
-
將寬頻數據機條網絡線，插入新路由器嘅WAN接口（通常會特別標明顏色或「Internet」字樣）。
-
跟手機App指示設定Wi-Fi名稱同密碼。
大部分情況都可以自己搞掂，唔使額外畀錢等師傅上門。